ԵՊԲՀ. Հերթական հաջողությունը գիտության ոլորտում

ՀՀ ԿԳՆ գիտության պետական կոմիտեի նախագահի հրամանով հաստատվել են ՀՀ 2018 թ. պետական բյուջեից ֆինանսավորմամբ երաշխավորված գիտական միջոցառումների և երիտասարդ գիտնականների դպրոցների ցանկերը: Ուրախությամբ նշենք, որ ԵՊԲՀ միջոցառումներից երեքը ևս ընդգրկվել են այդ ցանկում:

Երիտասարդ գիտնականների 10 հաղթող դպրոցների շարքում են ԵՊԲՀ-ի կողմից ներկայացված երկու գիտական դպրոցները, իսկ հաղթող միջոցառումների շարքում է ԵՊԲՀ տարեկան հաշվետու գիտաժողովը`«Գիտության շաբաթ 2018»-ը: Բացի այդ հաղթող գիտական դպրոցներից «Համագործակցությունը որպես գիտական հաջողության բանալի» դպրոցը Երիտասարդ հետազոտողների միության կողմից շահած առաջին դրամաշնորհն է, որը, ըստ երիտասարդ հետազոտողների, դառնալու է ոչ միայն կառույցի, այլև մի շարք անհատների հաջողության բանալիներից մեկը և նոր հնարավորություններ կբացի երիտասարդ գիտնականների համար:

Շնորհավորում ենք կազմակերպիչներին` ակնկալելով հետաքրքիր գիտական միջոցառումներ:

Հարցեր, պատասխաններ, մեկնաբանություններ